Në jetën e përditshme, flitet për nëntë muaj shtatzëni. Me këtë tregohet zgjatja e shtatzënisë që nga momenti i konceptimit deri në ditën e lindjes së fëmijës. Por në fakt shtatzënia zgjat 9 muaj plus ditët nga dita e parë e menstruacioneve të fundit deri në momentin e konceptimit. Metoda më e përdorur për të matur kohën e shtatzënisë është ajo që shprehet me javë, pasi java është kohëzgjatja më e mirë që përshkruan ritmin e ritjes së fetusit.

Në mjeksi quhet rastësi shumë e veçantë korespondimi i datës së lindjes, me atë që japin të gjitha tabelat llogaritëse sado të sofistikuara dhe të dixhitalizuara që të jenë. Do të ishte shumë e bukur dhe shumë e këndshme korespondimi i datës së lindjes me parashikimin e saj, por fundin e shtatzënisë e vendosin faktor të shumtë. Ato mund të jenë edhe patologjikë. Është vërejtur gjithashtu se gratë me fëmijën e parë lindin pak më shpejt në kohë se në lindjet e dyta e të mëtejshme të tyre. Edhe kohëzgjatja mesatare e cikleve menstruale si dhe kohëzgjatja luteinike e bëjnë të vështirë përcaktimin qoftë edhe me përafërsi të periudhës së ovulacionit, pasi nuk mund të parashikohet qartë data e konceptimit, përveçse kur është kryer vetëm një raport seksual midis menstruacioneve.

Literatura referon në gratë me kohëzgjatje mesatare prej 28 ditë të ciklit menstrual me shtatzëni normale, është e mundur që lindja të ndodhë në muajin e caktuar duke përfshirë 15-17 ditë para ose 15-17 ditë pas datës së parashikuar. Vetëm 5 fëmijë në 100 lindin në datën e parashikuar. Afërsisht 30 fëmijë lindin më parë dhe rreth 65 fëmijë më vonë se dita e llogaritur. Në këtë këndvështim, data e llogaritur e lindjes së fëmijës është orientuese.

Llogaritja e datës së lindjes, sipas llogaritësit të paraqitur, shoqërohet edhe me korrektimin për shkak të kohëzgjatjes mesatare të ciklit menstrual por pa marrë parasysh fazën luteinike. Edhe ky korrektin nuk e bën të aritshme saktësinë e parashikimit të datës së lindjes, por vetëm e përafron akoma më shumë. Gjithashtu duhet ditur se llogaritja e datës së lindjes është e ndryshme në shkollat përfaqësuese mjeksore të popujve dhe kulturave të ndryshëm. Është e kuptueshme se ndikimin kryesor e jep tradita e trajtimit të gruas shtatzënë, mënyra e të ushqyerit, klima dhe ambjenti, shërbimi shëndetsor gjatë shtatzënisë si dhe faktorë të tjerë social dhe ambjental. Por faktori kryesor i datës së lindjes së fëmijës është vetë nëna, organizmi i saj. Ajo është një individ unik pa asnjë kopje tjetër. Prandaj më qetësi, durim dhe dashuri duhet pritur dita e lindjes së fëmijës./bebaime/

Femina.al

Me anë të këtij toniku ju do ta pastroni thellësisht lëkurën dhe do ta stimuloni prodhimin e kolagjenit dhe elastinit në lëkurën e fytyrës tuaj.

Një nga mënyrat më të lehta dhe më të thjeshta për të rigjeneruar lëkurën e fytyrës, është me majdanoz! Ju nevojiten tre lugë majdanoz të prerë imët dhe 200 ml ujë. Zieni majdanozin në ujë për rreth 15 minuta. Pasi përbërja të ftohet kullojeni dhe me ndihmën e pambukut, masazhojeni fytyrën tuaj në mëngjes dhe në mbrëmje. Lëreni ashtu për disa minuta dhe pastaj pastrojeni fytyrën më ujë të vakët.

Majdanozi e freskon lëkurën dhe i largon pigmentimet e ndryshme në lëkurë, kështu do të fitoni një ten të pastër porcelani.

Provoni këto procedura natyrore kozmetike nga ‘Milingona’ dhe do të bindeni se akrepat e kohës mund të ngadalësohen!/telegrafi/

Femina.al

Fshehtësia e flokëve të bukura fshihet në një masë të madhe në të të ushqyerit tuaj. Për flokë të gjata, të bukura dhe me shkëlqim, të cilat do të mahnisin gjininë e kundërt, më meritorë janë (krahas gjeneve të mira dhe kujdesit) fasulja, peshku, vezët dhe prodhimet e qumshtit, arrat, karrota, bananet…

Kur ju keni zbokth dhe kruarje të pakëndshme të kokës, ju nevojitet vitamina A, dhe karrota është shumë e pasur me këtë vitaminë. Do t’ju ndihmojë që të mbani baraspeshën natyrale të lëkurës së kokës, prandaj konsumoni më shpesh karrotën.

Perimet me ngjyrë të gjelbër të mbyllur janë burim i pakrahasueshëm i vitaminës A dhe C. Kënaquni me sallatën e gjelbër, brokoli dhe spinaqin, qe t’ju kanë zili për flokët tuaj të shkëlqyera, pa zbokth.

Për shkak përmbajtjes së omega-3 acideve yndyrore, peshku është i domosdoshëm që të gjendet në listën e ushqimit, i cili është i mirë për shëndetin e flokëve tuaja. Këto acide ndihmojnë në regjenerimin e qimeve brenda dhe jashtë lëkurës. Duke i fëlënderuar kësaj, flokët janë të shkëlqyera dhe të hidratuara.

Kohë pas kohe përdorni nga një porcion të vogël të me arra të shijshme. Ato janë të pasura me vitamina dhe minerale, të cilat parandalojnë hollimin e flokëve. Zinku dhe seleni, të cilët poashtu gjenden në arra, janë shumë të dobishëm në parandalimin e rënies së parakohshme të flokëve.

Fasulja është magjistari përgjegjës për rritjen e flokëve. Ato janë shumë të pasur me proteina, zink, biotinë dhe hekur, duke i bërë zgjedhjen më të mirë për ata të cilët duan rritje të theksuar të flokëve.

E tani pakëz ëmbëlsira! Hani banane dhe mbusheni organizmin me vitaminë B6, kurse rrushin për të rritur nivelin e hekurit. Vitamina B6 do të kujdeset që folikulat e flokëve të jenë të shëndosha, kurse hekuri që në skalpin tuaj të sillet mjaftueshëm oksigjen, që do të ndalojë rënien e flokëve, si dhe dëmtimin e tyre, duke i siguruar atyre rritje të papengueshme.

Midhjet (guacat) përveç që janë lartë në listën e gjërave ushqimore me veprim afrodiziaku, janë burim i shkëlqyeshëm i zinkut, si dhe antikosidant i fuqishëm, i cili do të mbajë flokët tuaja të fuqishme.

Për fortësinë e flokëve dhe elasticitetin e tyre, janë të nevojshme proteinat. Vezët janë burim i shkëlqyeshëm. Por, nëse nuk jeni adhurues të vezës, në vend të tyre mund të konsumoni prodhime qumështi me nivel më të ulët të yndyrës.

Femina.al

Studiuesit amerikanë kishin analizuar dhjetëra persona me nivelë të lartë të yndyrës në gjak, të cilëve më pas u është dhënë të konsumojnë kivi. Sipas rezultateve, ngrënia e dy frutave në ditë ul nivelin e kolesterolit të keq në gjak, LDL-kolesterolit, dhe rrit nivelin e atij të mirë, HDL-kolesterolit.

Efekti i kësaj frute në shëndetin e zemrës u vishet kryesisht antioksiduesve, të cilat pengojnë proceset e oksidimit që çojnë në probleme kardiovaskulare. Për të arritur efektin maksimal, kivi duhet të konsumohet së paku tetë javë.

Kivi po ashtu është i pasur me shumë vitamina, në mesin e të cilave vitaminë C dhe E./mjekuNet/

Femina.al

Këto ishin fjalët e fundit të Dorina Stafës, një prej viktimave të tragjedisë së 21 Majit të vitit të shkuar. Nuk njihja asnjë nga personat që humbën jetën, por është si t’i kem njohur; si të kem qenë mikesha e atyre vajzave aq të reja, të gjalla, të bukura, me një mori ëndrrash për t’i paraprirë jetës, që aq sa duket e gjatë është edhe e shkurtër. U prehtë në paqe shpirti i tyre!

Është e vështirë të futesh në zemrën e tragjedisë së një personi tjetër, kur ajo tragjedi nuk të ka ndodhur ty, por e gjithë Shqipëria e gjeti rrugën e pikëllimit për te kjo tragjedi një vit më parë. Madje mund të thuhet se ende sot ndihet e pikëlluar. Të rinjtë dhe shumë të tjerë ndezën qirinj, shkruan trishtimin e tyre dhe nisën mesazhe ngushëllimi e solidariteti.

Për mua sikur ka mbetur koha atje. Atë çka pashë ato orë aq të gjata pas aksidentit të Himarës, krahas dhembjes së tejskajshme që kaploi gjithë shqiptarët e mbi të gjitha familjarët e të afërmit e viktimave, ishte një frymë e admirueshme solidariteti e shoqërisë sonë për të ardhur në ndihmë, për të dhuruar gjak, për të kontribuar me gjithçka kanë patur mundësi. I fortë ishte edhe përkushtimi i autoriteteve shqiptare.

Humbëm një numër të madh të rinjsh pranverën e shkuar. Humbëm shumë freski dhe buzëqeshje. U tronditëm nga një histori që filloi me gëzim, por përfundoi në tragjedi. E kujtoj atë ditë si të ishte dje. Dori qe ndër të fundit jetë që humbëm. E pashë në fotografi dhe u përlota. Ajo ishte mrekullisht e re dhe e bukur.

Rastësisht, e tronditur nga ngjarja në tërësi, u gjenda në statuset e saj në facebook, në mendimet dhe ndjenjat e saj, në përjetimet e përditshme, në dashuritë e saj për dijen, familjen, shoqërinë, Zotin, dhe mallin për Krujën e saj. Në çdo fjalë të Dorit dukej pastërtia e kristaltë e shpirtit. Ajo nuk ishte e zakonshme: mendonte dhe shkruante shumë bukur. Shpërfaqte dashuri sublime për familjen, për përqafimet e nënës, raportin aq shpirtëror me babain, për flokët e borës që i jepnin Krujës një pamje madhështore dhe asaj i ngjanin me numrin e ëndrrave. Dori kishte një besim të adhurueshëm për Zotin, shpresën, lutjet, durimin; ëndje për mësimet, orët e gjata parapërgatitore për provimet e universitetit. Triumfin e shihte si finalizim të durimit dhe vullnetit, dëshirës së mirë e optimizmit, pozitivitetit rrallë të lëkundshëm që e karakterizonte.

Vlerat e miqësisë për të ishin përditshmëria e ekzistencës së saj, dhembshuri për shokët e shoqet, gëzim për mbrëmjet e kaluara me vajzat përgjatë të cilave ndanin gjithçka kishin në zemër. Ajo falenderonte përdi

Dorina Stafa

të gjithkënd dhe gjithçka, edhe kur dashuria përbënte sakrificë, kur e palodhur punonte për diplomën, kur kalonte fundjavat në Krujën e dashur ku ndodhej e shtrenjta familje. Dorina, rinia e së cilës mbretëronte, i bënte thirrje njerëzve të falnin njëri-tjetrin dhe të dhuronin sa më shumë dashuri. Këto ishin disa nga mendimet e saj luftarake e të pafajshme, lutje të përhershme për sa më shumë grimca drite. Kjo ishte Dori, para se të shkonte në qiell shpirti i saj, ajo fluturonte edhe në tokë.

“Nuk e ndaloj dot”, qenë fjalët e fundit të shoferit të autobusit. Siç nuk u ndalua dot as ajo tragjedi. Dhe e sotshmja më vjen si të ishte dje një vit më parë. Si klithëm nga pas erdhi fatkeqësia. Kështu përmes dhimbjes, me një vështrim të bërë lëmsh mes lajmesh dhe opinionesh, u trondita si të kisha humbur, fare në mënyrë të papritur, një mike të shtrenjtë. Dhe nisa ta përfytyroj, m’u bë sikur e njihja, sikur e kisha shoqe Dorin…

Femina.al

Hithra, mbretëresha e bimëve popullore që pastron gjakun. Një gotë çaj në ditë lëng hithre, ilaç për veshkat, reumatizmin dhe artritin.

Në mjekësinë popullore hithra njihet si mbretëresha e bimëve mjekësore, për shkak të efekteve të saj pozitive në shërimin e disa sëmundjeve. Përdorimi i kësaj bime gjatë periudhës së pranverës dhe verës ndihmon në pastrimin e gjakut dhe tek të sëmurët me anemi.

Këshillohet që gjatë kësaj kohe të konsumohet sa më shpesh bima e hithrës në formë sallate ose dhe e gatuar në supë ose byrek.

Gjithashtu, mund të pihen 3 gota çaj në ditë nga kjo bimë. Kjo bimë ndihmon edhe në problemet që mund të shfaqen në mëlçi dhe për prodhimin e lëngut në tëmth. Për këtë qëllim mjekët rekomandojnë të pihet një gotë në ditë nga çaji i përgatitur i hithrës. Është mirë që ai të pihet herët në mëngjes për të dhënë dhe efektin e duhur. Një ndihmesë të madhe jep hithra edhe për një funksionim sa më të mirë të veshkave dhe sëmundjeve të tjera reumatike dhe artritin.

Për të përgatitur çajin nevojitet një lugë nga bima e tharë dhe e grimcuar. Kjo masë hidhet në një gotë me ujë të nxehtë dhe lihet në qetësi për 15 minuta.

Më pas kullohet dhe pihet 3 herë në ditë nga një gotë. Një tjetër mënyrë për të shëruar dhimbjet e reumatizmit është edhe vendosja e bimës së freskët në kontakt të drejtpërdrejtë me lëkurën.

Vendi i dhimbjes rrihet me bimën e freskët derisa te dallohet një si pullë gjaku. Një efekt të menjëhershëm jep kjo bimë edh në rastet e diarresë. Që ky problem të kalojë shpejt dhe lehtë, duhet të pihet çaj hithre.

Marrja e tij duhet të konsiderohet si një masë e rëndësishme për qetësimin e gjendjes. Te nënat me fëmijë të vegjël, përdorimi i hithrës ndihmon në prodhimin e qumështit aq i rëndësishëm për shëndetin e fëmijës.

Në kozmetikë ndihmon kundër rënies së flokut dhe zbokthit. Personat që kanë probleme me zbokthin u rekomandohet larja e kokës me lëngun që përftohet nga zierja e hithrës. Është mirë që larja të kryhet dy herë në javë dhe të vazhdojë deri në eliminimin përfundimtar të zbokthit.

Larja e kokës me ujin e hithrës këshillohet edhe për ata, që kanë probleme me rritjen e ngadaltë të flokut. Për të pasur flokë të gjatë e të shëndetshëm rekomandohet larja e flokut me këtë bimë.

Efektet anësore të hithrës janë ende të panjohura. Por, është e dëmshme të përdoret te personat, që kanë akumulime ujore si pasojë e aktivitetit të kufizuar të zemrës dhe veshkave, pasi është një çaj që nxit largimin e ujërave nga trupi.

Hithra mund të përdoret në gatime për të zëvendësuar spinaqin, mund të përdoret si sallatë ose të zihet për supë.

Hithra përmban sasi të konsiderueshme të vitaminës A dhe C, vitaminë K, amin si histamina, serotoninë dhe minerale siç është hekuri shumë i rëndësishëm për organizmin e njeriut. Pra, për shkak të vlerave të shumta që ajo përmban dhe efektet e saj janë të menjëhershme. /telegrafi/

Femina.al

Por jo të gjithë e dinë se ai është i rëndësishëm për një ritëm normal të zemrës, për një presion arterial normal dhe madje ndihmon për funksionimin normal të sistemit nervor. Për më tepër studimet sugjerojnë se shtesa në kalcium mund të ndihmojë në lehtësimin e shenjave të sindromit paramenstrual dhe ka gjithashtu studime që sugjerojnë se kalciumi mund të reduktojë polipet e kolonit (zorrës së trashë).

  Kalciumi- çfarë sasie nevojitet Një grua e rritur (përfshirë këtu edhe gruan shtatzënë ka nevojë për të paktën 1000 mg kalcium në ditë, ndërsa gruaja në post-menopauzë ka nevojë për të paktën 1200 mg në ditë.

Përmbajta e kalciumit në disa ushqime

• Qumësht (1 gotë): ~ 300 mg
• Kos (175 mL): ~300 mg
• Kos i ngrirë (1/2 gote): ~ 100 mg
• Akullore (1/2 gote): 85 mg

Djathi është gjithashtu një burim i mirë i kalciumit, por sasia që ai përmban varet nga lloji i djathit. Roli i kalciumit në shëndetitin e eshtrave është i padiskutueshëm. Ka shumë produkte të pasura me kalcium, por këtu do të shpenzojmë pak kohë duke folur për format e ndryshme të suplementit të kalciumit. Referenca dietetike për kalciumin për të rritur është 1000-1300 mg në ditë në varësi të moshës dhe gjinisë. Nëse merrni suplement kalciumi sigurohuni për sasinë e nevojshme të kalciumit elementar dhe jo për sasinë totale. Kështu një tabletë me 500 mg kalcium karboni ka 200 mg kalcium elementar. Kalciumi thithet nga zorrët e holla. Jo e gjithë sasia e kalciumit që ne konsumojmë thithet nga zorra. Sasia e kalciumit të thithur varet nga shumë faktorë, si aciditeti i përmbajtjes së zorrës, vitaminës D, niveli i estrogjeneve, forma e kalciumit të marrë. Tipe të ndryshme të kalciumit Një faktor i rëndësishëm që influencon thithjen e kalciumit është shpërbërja e tabletës. Sigurohuni që tableta përmbush standardet e farmakopesë së një vendi të zhvilluar. Kalcium citrat Kalciumi thithet më mirë në një ambient acid. Kështu që kjo formë është më e absorbueshmja nga të gjitha format e kalciumit. Veçse përmbajtja e kalciumit elementar për tabletë është më e vogël. Kujdes do treguar në pacientët me acid refluks të cilët mund të mos e tolerojnë këtë formë të kalciumit. Kalcium karbon Është forma më e përhapur në treg. Kërkon një sasi ekstra të acidit në bark, prandaj është më së miri që të merret pas ushqimit. Kalcium glukonat ose Kalcium laktatjanë forma që përmbajnë një sasi të vogël të kalciumit elementar kështu që duhet marrë një sasi e madhe tabletash për të plotësuar suplementin e nevojshëm./Femina.al/

Femina.al

Era e keqe nga goja 
Ndoshta bëhet fjalë për halitozën, e cila mund të jetë pasojë e shumë faktorëve, madje edhe e diabetit të padiagnostikuar. Në mesin e shkaktarëve të tjerë është edhe etja kronike ose lodhja kronike. Bëhuni gati për një kontrollim sistematik.

Goja e thatë 
Ndoshta e keni sindromën e Sjogrenovit, sëmundjen autoimune, për shkak të së cilës organizmi nuk prodhon pështymë ose lot të mjaftueshëm. Duke pasur parasysh që pështyma është e rëndësishme për mirëmbajtje të dhëmbëve, ënjtë e rëndësishme që përveç oftamologut, i cili është ekspert për këtë problem., të vizitohet edhe dentisti. Nuk ekziston ndonjë ilaç, por ekzistojnë mjete, të cilat i reduktojnë problemet.

Shija e metalit 
Nëse zgjat më shumë se një ose dy, ditë ka gjasa të bëhet fjalë për mungesë të zinkut, i cili e nxit rritjen e sythave të shijes në gjuhë. Një analizë e thjeshtë e gjakut do të zbulojë se për çfarë bëhet fjalë. Guaskat, mishi i kuq dhe mishi i shpezëve janë burime të mira të zinkut.

Gungat e imëta në gjuhë 
Zakonisht zhduken vetë për një javë, ndërsa disa ekspertë mendojnë se një gjë e tillë është një reagim ndaj ushqimit me shumë erëza. Megjithatë, nëse nuk zhduket dhe ato bëhen më të mëdha, kjo mund të jetë një shenjë e ndonjë sëmundjeje serioze, siç është kanceri oral.Ngjyra e çuditshme e gjuhës 
Gjuha, e cila për një kohë të shkurtër ka ngjyrë të kafesë ose të zezë, mund të jetë pasojë e konsumimit të duhanit ose kafesë. Por, gjuha e bardhë ose e verdhë, e cila përcillet me kruajtje ose ndjeshmëri, mund të jetë shenjë e infektimit me baktere. Ilaçet do m zgjidhin shpejt problemin.

Dhëmbët e tejdukshëm 
Ndoshta ju mundon kthimi i thartirës nga lukthi. Me kalimin e kohës, thartira mund ta gërryejë shtresën shkëlqyese të dhëmbëve. Vizitojeni gastroenterologun dhe dentistin.

Dhëmbët e dëmtuar 
Ndoshta ju mundon bruksizmi ose kërcëllimi i dhëmbëve. Kjo është pasojë e stresit shumë të madh. Mësoni që të relaksoheni dhe e blini një mbrojtës të dhëmbëve, që do ta përdorni gjatë kohës së fjetjes.

Mishi i zbehur i dhëmbëve 
Mund të bëhet fjalë për aneminë. Nëse e rritni konsumimin e ushqimit të pasur me hekur kjo gjë mund të përmirësohet, por, megjithatë, kontaktoni me mjekun, sepse një gjë e tillë mund të jetë simptomë edhe e sëmundjeve të tjera.

Tërheqja e mishit të dhëmbëve 
Ndoshta e keni paradentozën, e cila është pasojë e higjienës së dobët orale. Paradentoza është e rrezikshme sepse përveçqë sjell deri te rënia e dhëmbëve, bakteret hyjnë në sistemin e qarkullimit të gjakut dhe mund të dëmtojnë organin vital siç është zemra. Pastrojini dhëmbët rregullisht, si ,dhe përdoreni perin për dhëmbë. /telegrafi/

Femina.al

Dobësimi i eshtrave tanë ndodh gjatë plakjes, gjë që mund të shkaktojë thyerje dhe deformime. Që të pengoni komplikimet e tilla, ja si duhet mbajtur eshtrat …

• Kontrolloni a thua keni simptoma të osteoporozës. Nëse keni dhimbje në shpinë dhe fraktura (thyerje) të shpeshta të eshtrave, është e mundshme të keni osteoporozën.
• Patjetër duhet vizituar mjeku
• Përdorni vitamina të pasura me kalcium, sepse kalciumi i mban të shëndoshë eshtrat.
• Pini shumë qumësht, sepse është i pasur me kalcium.
• Zvogëloni përdorimin e kafeinës, sepse kjo do t’ju ndihmojë në mbajtjen e eshtrave të shëndoshë. Kujdesuni që të mos përdorni ushqim tepërt të pasur me proteina (mish, peshk, arra, fëstëk… ), të cilat ndihmojnë që trupi të tajitë kalciumin.
• Filloni të ushtroni, ushtrimet janë të shkëlqyera për shëndetin e eshtrave. /telegrafi/

Femina.al

Shkaktarët e thonjve të verdhë
Pirja e duhanit – kjo është edhe shkaku më i zakonshëm i thonjve të verdhë. Megjithatë, në qoftë se ju vendosni që mos të lëni duhanin të paktën përpiquni që ta vendosni cigaren në taketuke në vend që ta mbani gjatë gjithë kohës në dorën tuaj.

Problemet shëndetësore – pamja e verdhë e thonjve mund të jetë për shkak të disa problemeve shëndetësore si për shembull sëmundja e mëlçisë, veshkave ose sëmundjeve të mushkërive, diabeti, mangësi hekuri dhe zinku, infeksionet fungale. Thonjtë bëhen të errët të verdhë dhe ngjyrë kafe të çeltë, dhe zhvishen e mbajnë erë të pakëndshme.

Manikyri jo i rregullt i thonjve – thonjtë zakonisht bëhen të verdhë, kur janë të ekspozuar ndaj toluenit, formaldehidit dhe dibutylphthalate, komponentët që gjendën në ngjyra të thonjve. Përdorimi i pavend i manikyrit të thonjve, veçanërisht nëse ato janë me ngjyrë të errët, lënë njolla në thonj.

Si të largoni ngjyrën e verdhë nga thonjtë

• Zhytini thonjtë për pak minuta në lëng limoni të freskët në të cilin duhet të keni shtuar edhe pak sodë bikarbon. Acidi i lëngut të limonit i kombinuar me sodë ndihmon në heqjen e ngjyrës të padëshirueshme.
• Barërat për proteza të dhëmbëve jo vetëm që janë të mira për zbardhjen e dhëmbëve, por mund të bëjnë mrekulli me thonjtë e verdhë. Futeni tabletën në ujë dhe në atë lëng mbajini thonjtë tuaj për disa minuta. /telegrafi/

Femina.al