Ky është fruti që mban nën kontroll tensionin e lartë

0 57

Hipertensioni ose tensioni i lartë i gjakut është një ndër sëmundjet më të shpeshta në vendin tonë.

Dieta e varfër ushqimore, mungesa e aktivitetit fizik, konsumi i tepërt i alkoolit apo substancave narkotike, janë disa nga arsyet që çojnë në shfaqjen e hipertensionit.

Ai mund të konsiderohet si një portë hyrëse për shumë sëmundje të tjera si: infarkti dhe hemorragjia cerebrale.

Një mënyrë e shëndetshme për të ulur tensionin e lartë të gjakut është konsumi i 3 frutave kivi në ditë.

Kivi përmban magnez, i cili ndikon në uljen e presionit të gjakut, si dhe antioksidantë të fuqishëm si luteina. Luteina ndihmon organizmin të përthithë sa më mirë hekurin dhe kontrollon nivelin e sheqerit dhe të fibrave në gjak. Ajo gjithashtu mbron shikimin tuaj.

Sipas një studimi të bërë në një spital të Oslos, Norvegji, nëse konsumoni 3 kivi në ditë për 8 javë rresht mund të mbani nën kontroll hipertensionin.

Në këtë studim morën pjesë 118 vullnetarë të dyjave gjinive me një moshë mesatare prej 55 vitesh. Ata u ndanë në dy grupe. Grupi i parë duhej të hante një mollë në ditë për 8 javë rresht, kurse grupi i dytë duhej të konsumonte 3 kivi në ditë gjatë kësaj të njëjtës periudhë.

Në përfundim rezultatet treguan se grupi që kishte përdorur 3 kivi në ditë kishte rënie të tensionit të gjakut në nivelin 3.6 mm.

Gjithashtu mund të lexoni
Komentet
Po ngarkohet...