Përgatiteni këtë recetë në shtëpi dhe do u thoni mirupafshim akneve në shpinë, supe dhe gjoks!

Puçrrat në kurriz, supe dhe gjoks krijohen kur poret janë të mbuluara me papastërti. Nëse kësaj i shtohet sebiumi i prodhuar nga lëkura, atëherë shfaqja e këtyre puçrrave të shëmtuara që na shkaktojnë siklet, sidomos në verë, është e paevitueshme. Edhe duke bërë dush çdo ditë, lëkura bëhet pis, kjo për shkak të faktorëve të mjedisit të tilla si smogu, pluhuri, etj.

Shumë herë e prekim lëkurën, pa e kuptuar, me duart e pista. Puçrrat mund të shfaqen edhe kur kemi flokë të gjatë dhe i lemë të lirshëm mbi supe ose mbrapa kurrizit.

Nëse keni puçrra të tilla, është koha të viheni në punë dhe t’i zhdukni ato.

Ja disa receta për t’u përgatitur në shtëpi për t’i thënë lamtumirë puçrrave.

1. Scrub me sheqer dhe tërshërë

Duhet të fitoni zakonin e mirë që një herë në javë të pastroni thellë lëkurën tuaj, sidomos në zonat më të rrezikuara për krijimin e puçrrave. Nëse nuk mund të arrini të gjithë kurrizin mbrapa, mund të përdorni një sfungjer me dorezë, ndaj mos nguroni të provoni këto scrube natyrore.

Përbërësit:
  • 2 grushta sheqer
  • 1 grusht krunde tërshërë
  • pak ujë
Përgatitja:

Lajeni zonën e prekur nga puçrrat me një sapun të butë. Mund ta bëni scrubin, për shembull, gjatë dushit:

Përziejini përbërësit nga ku do të krijohet një krem, me të cilin me lëvizje të lehta rrethore do të fërkoni shpinën, shpatullat, krahët dhe gjoksin. Bëjeni butësisht. Lëreni të qetësohet për 5 minuta, pastaj shpëlajeni me ujë të ngrohtë.

Tërshëra është në gjendje të qetësojë inflamacionin dhe sheqeri largon qelizat e vdekura.

2. Maskë me mjaltë dhe uthull

Përgatitja dhe zbatimi i kësaj maske është e ngjashme me recetën e mëparshme. Mundësisht përdorni pak mjaltë të kristalizuar (mund ta vendosni në frigorifer nëqoftëse ai që keni në shtëpi është shumë i lëngshëm).

Përbërësit:
  • 1 lugë gjelle mjaltë (25 g)
  • 1 lugë gjelle uthull molle (15 ml)
Përgatitja:

Përziejini përbërësit për të formuar një pastë. (Shtoni, nëse është e nevojshme, më shumë sasi të njërit apo tjetrit komponent, në mënyrë që përzierja të mos jetë as shumë e hollë as shumë e trashë).
Aplikojeni në zonën e prekur me lëvizje rrethore. Lëreni të pushojë për 5 minuta, pastaj shpëlajeni me ujë të ngrohtë.

Një tjetër mënyrë për të përfituar nga virtytet e këtyre dy ushqimeve është të përgatitni një çaj bimor detoksifikues. Po si? Këto dy përbërës i hidhni në një filxhan me ujë të vluar. E pini këtë çaj me stomak bosh për një javë rresht. Prisni shtatë ditë dhe pastaj filloni me kurën.

3. Maskë me sode buke, limon, aloe vera dhe sheqer

Soda e bukës ka veti pastruese njësoj si sheqeri. Limoni heq njollat dhe aloe vera zbut lëkurën. Mund ta imagjinoni se çfarë mund të bëjnë këto përbërës sëbashku! Një luftë të vërtetë për puçrrat në kurriz, supe dhe gjoks.

Përbërësit:
  • Lëngu i një limoni,
  • xhel nga një fletë e aloe verës,
  • 1 lugë çaji bikarbonat natriumi (5 g)
  • 1 lugë gjelle sheqer (15 ml)
Përgatitja:

Priteni një fletë aloe dhe hapeni për t’ia nxjerrë xhelin. Vendosni xhelin e përftuar në një enë në të cilën do të shtoni sodë buke dhe sheqer. Përzieni mirë. Masës ia shtoni edhe lëngun e limonit. Vazhdoni me përzierjen derisa të merrni një krem të butë që mund të përhapet.

Fshijeni me peshqir të thatë zonën që do të trajtoni. Aplikojeni maskën me lëvizje rrethore. Masazhi duhet të zgjasë të paktën tre minuta. E lini të thahet dhe pas rreth njëzet minutash shpëlajeni me ujë të ngrohtë.

Këshilla për të parandaluar formimin e puçrrave në kurriz, supe dhe gjoks

Edhe pse këto receta do t’ju ndihmojnë për të eliminuar aknet, për të parandaluar rishfaqjen e tyre duhet të ndryshoni disa zakone:

  • Përdorni sapun neutral

Atë pa ngjyrë dhe pa erë. Sapunë që mund t’ju ndihmojnë specifikisht për këtë problem i gjeni edhe në treg.

  • Kur është nxehtë, lëreni shpinën të zbuluar

Rrobat janë një nga shkaqet e shfaqjes së puçrrave. Pra, në ditët e nxehta mos ngurroni të përdorni kanatjere, bluza pambuku, bikini dhe veshje që e lenë shpinën në kontakt me ajrin dhe diellin. Mos harroni të aplikoni krem dielli.

  • Pastrojeni lëkurën me limon

Çdo natë, para se të flini, kaloni një fetë limoni në zonën e prekur nga aknet. Vetitë pastruese të këtij agrumi janë të shkëlqyera për të balancuar pH-në e lëkurës.

Mos harroni që gjithmonë ta bëni atë në mbrëmje, sepse lëngu i limonit në kontakt me diellin, e bën lëkurën me njolla!

What do you think?

0 points
Upvote Downvote

Comments

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Loading…

0

Comments

0 comments

Fruti i dobishëm që lufton kolesterolin, hipertensionin dhe sulmet e zemrës!

Receta natyrale që largon venat varikoze nga këmbët tuaja!