Tragjedi në plazhin e Vlorës, mbytet 1 djalë nga Tetova dhe dy vajza nga Shqipëria

0 54

Tre persona kanë humbur jetën në plazhin e Zvërnecit në Vlorë. Mediat lokale bëjnë me dije se viktimat janë një djalosh nga Tetova dhe dy vajza nga Shqiperia.

Fillimisht, njëra prej viktimave, një 23 vjeçare është mbytur, të cilës i kishte shkuar në ndihmë vajza tjetër, por që fatkeqësisht nuk kishte pasur suskes, e për pasojë kishte humbur jetën edhe vetë. Djaloshi nga Tetova, në tentim t’i ndihmonte dy vajzat që po mbyteshin, ishte bërë viktima e tretë e këtij rasti tragjik. Ngjarja tragjike ka ndodhur në vendin e quajtur plazhi i Porto Novës.

Viktimat janë të moshës nga 20 deri në 30 vjeç. Bëhet fjalë për dy viktima të gjinisë femër dhe një mashkull, përkatësisht 23, 25 dhe një 30 vjeçare.

Trupat e tre personave të pajetë janë nxjerrë nga uji.

Viktimat janë transportuar për në morgun e Vlorës për të kryer procedurat ligjore.

Ende nuk dihet identiteti i viktimave.

Më herët gjatë ditës, një fëmijë 14 vjeçar është mbytur në det. Ngjarja ndodhi pranë vendit të quajtur Shkolla e Marinës në Vlorë.

Ka arritur në 6 numri i viktimave në Vlorë përgjatë këtij sezoni turistik.

Gjithashtu mund të lexoni

Po ngarkohet...